ज्येष्ठ सामाजिक कार्यकर्त्या पुष्पा भावे यांचे आज (तीन ऑक्टोबर) दीर्घ आजाराने निधन झाले. त्यांचा हा अल्प परिचय.........
२६ मार्च १९३९ रोजी जन्मलेल्या पुष्पा भावे (पूर्वाश्रमीच्या पुष्पा सरकार) या विचारवंत लेखिका आणि प्रभावी वक्त्या. मराठी नाट्यसृष्टीचाही त्यांचा उत्तम अभ्यास होता आणि त्यांनी त्या संदर्भात पुष्कळ लेखन केलं आहे. त्यांची नाट्यविषयक समीक्षणं प्रसिद्ध आहेत.
मुंबईतील गिरणी कामगार संघर्ष समितीच्या त्या मार्गदर्शन होत्या आणि अंधश्रद्धा निर्मूलन समितीच्या कार्यातही त्यांचं मोठं योगदान आहे. मराठवाडा विद्यापीठ नामांतर, मंडल आयोग अशा प्रश्नांवर झालेल्या चळवळींवर त्यांची ठोस भूमिका होती. आणीबाणीविरोधात लोकनेते जयप्रकाश नारायण यांच्या नेतृत्वाखाली त्यांनी जनता पक्षाचं कामही केलं होतं. त्यांना महाराष्ट्र फाउंडेशनचा जीवनगौरव पुरस्कार आणि अनंत भालेराव स्मृती पुरस्कार मिळाला होता.
गुड मुस्लिम बॅड मुस्लिम, आम्हाला भेटलेले श्रीराम लागू, जहन्नम, रंग नाटकाचे अशी त्यांची पुस्तकं प्रसिद्ध आहेत.
तीन ऑक्टोबर २०२० रोजी मध्यरात्री साडेबारा वाजता मुंबईत त्यांचे दीर्घ आजाराने निधन झाले.
(प्रा. पुष्पा भावे यांच्या काही भाषणांचे व्हिडिओ खाली दिले आहेत.)
(पुष्पा भावे यांची पुस्तकं ‘बुकगंगा डॉट कॉम’वरून घरपोच मागवण्यासाठी येथे क्लिक करा.)
